Weqfa Mezopotamya semedê musayîşê ziwanî bi Zazakî yew kitab hadre kerdo û demêko nêzdî de do vila biko
Goreyê malûmatê ke Weqfa Mezopotamya dayo kitab temam bîyo û demêko nêzdî de vejîyeno. Weqfa Mezopotamya va: “Seba musayîşê ziwanê xo êdî hewceyê bahaneyan nîyo!”
Derheqê Kurdîzanî de
Kurdîzan seba sewîyeya verêne ra di kitaban ra yeno pê. Yew, Kitabê Dersî yo, ê bînî zî Kitabê Xebate yo. Kitabê Dersî ser musnayanê temayan û babetanê rêzimanî de vindeno, la Kitabê Xebate tenya ser pratîkê nê temayan û babetanê rêzimananî de vindeno.
Kurdîzanî de seba organîzekerdişî û asankerdişê musayîşî, sîstemê unîte û dersan ameyo şuxulnayene. Kitab di unîteyan ra û her unîte zî 14 dersan ra yeno pê. Pêroyî 28 dersî Kurdîzanî de estê. Kurdîzan seba perwerdeyê dibîstanî, programanê lîsansî, lîsansa berzî, kursanê xususîyan û xebatanê şexsîyan ameyo plankerdiş.
