ZAZAKÎ NEWS - Cevdet Yilmaz, Hetkarê Serekkomarê Tirkiya Recep Tayyîp Erdoganî derheqê qerarÊ PKKyî yê xo fesixkerdişî de va, no proses do tesîrêko hewl ekonomîya Tirkiya ser bikero.
Cevdet Yilmazî va, seba şero ke PKK reyde bîyo 2 trilyon dolarî zerarê Tirkiya bîyo.
Ardimkarê Serekkomarê Tirkiya Cevdet Yilmazî eşkera kerd ke miyanê 41 serran de zeraro ke şerê PKK reyde amo meydan resayo 2 trilyon dolarî û eger proses serkewtî bo do tesîrêko pozîtîf ekonomî ser bikero.
Yilmazî da zanayîş ke seba şer û pêrodayîşan zararêko zaf gird ekonomîya Tirkiya ser bîyo û va:
"Cayo ke tede pêrodayîş bibo de çîke aver nêşino, turîstî vanê “terör” esto ez nêşina û nê çî pêro tesîrê xo ekonomîya ma ser kenê.
No zî xurt bîyayişê ekonomîya ma rê beno asteng.
Goreyê tay hesaban nêzdîyê 2 trilyon dolarî zerar esto."
Yilmazî eşkera kerd ke nê serranê peyênan de wîlayetanê sey Riha, Mêrdîn, Amed û Dîlok de sektorê turîzmî aver şîyo û serra vîyarte de goreyê serra 2023yine ra turîstî se ra 18 zêde bîyê.
