Wezaretê Ziraet û Daristanî yê Mudiriyetê Herêmê 14ine, Mudiriyetê Bajarê Wanî, seba rotişê kotayanê seydvananê xerîban yew îlanê resmî weşana.
Na çarçewa de Çewlig (Bingöl) zî bi 5 kotayan ca gêno, welat de seba seydvanîya 235 bizanê koyî kota ameyo diyarkerdene.
DO VERA 480 HEZAR LÎREYANÊ TIRKÎ PEZKOVÎYÎ BÊRÊ QETILKERDENE
Na çarçewa de, Mersîn de 53, Antalya de 36, Artvin de 21, Nîgde de 16, Sêwas de 12, Mugla de 11, Hatay, Erzingan, Qeyserî û Semsur de 10î, Erzurum de 8, Mereş de 7, Isparta de 6, Çewlig û Gîresun de 5, Karaman de 4, Edene de 3, Wan, Colemêrg û Gumişxane de 2, Qonya û Sêrt de 1 pezkovîyî do bêrê qetilkerdene. Goreyê îhaleyî, seydwanê ke teber ra yenê do 480 hezar lîreyanê Tirkî bidê û pezkovîyan qetil bikerê.
Endamê Grûba Ekolojî û Azadiya Heywanan a Polenî Mansur Karaca, derheqê nê meseleyî de ARTI TV rê qisey kerd û va "Îhaleya ke bi nameyê turîzê seydwanî pêzkovîyî do bêrê kiştene, no do hetêk do bibo xirakerdişê ekosîstemî. Hukmat tenya seba xelesnayişê ewroyî nê rayîran weçîneno."