Çewlîg de 24ê Temmuze de hêrişkar E.Z. pê kardîya nanî 4 kesî kiştbî û 8 kesî kardî kerdbî.
Zaf vajîya ke E.Z gêj o labelê derheqê ey de rapor ameyo temamkerdiş û goreyê raporî aqilê ey cayê xo de yo û gêj (bom) nîyo.
E.Z. bi kardîya nanî kuçeyan de gêrabi û kam ke raştê ci amebi birîndar kerdbi û 4 kesî kiştî û 8 kesî birîndar kerdî. Onca vajîyabi ke hêrişkar E.Z serxoşêk bîyo.
Nika vejîyayo orte ke problemê psîkolojîkî estbî û o tîryakê hişberdan bîyo la gêj nêbîyo.
Ame zanayîş ke raporê tiba edlî yo ke vano aqilê ey cayê xo de yo Dezgeyê Tiba Edlî yê Edene ra ameyo girewtiş.
Roca mehkemeya ey hema nêameya tesbît kerdene. Nika Hepisxaneyê Xarpêti di tepişte yo û rapora ke aqilê ey cayê xo de yo ameyo dayîş.