ZAZAKÎ NEWS - Goreyê raporê Dezgeyê CPTyî yê Amerîka, destpêkê serra ra nat, artêşa Tirkîya 404 rey Herêma Kurdistanî bombarduman kerda.
Zafaneyê înan sînorê wîlayetê Hewlêrî, dima Dihok û Silêmanîye de bîyê.
Dezgeyê Aştîyê Komelkî (CPT) yê Amerîka raporê xo yê hêrişan û bombardumanê Tirkîya ke Herêma Kurdistanî ser o benê vila kerd.
Goreyê vatişê CPT, "artêşa Tirkîya aşma Adare de Herêma Kurdîstanî 118 rey bombebaran kerd."
CPTyî va ke:
"Hefteyo verên yê badê îlanê vengdayîşê Abdullah Ocalanî, bombardimanê Tirkîya se ra 145 zêde bîyo."
Aşma Adare de artêşa Tirkîya, wîlayetê Hewlêrî ser 54, wîlayetê Dihok ser rê 51 û wîlayetê Silêmanîye rê 12 rey hêriş kerd.
CPTî raporê xo de qeyd kerd ke Tirkîya mîyanê 3 aşmanê emserî de 404 hêriş û bombebaran kerd û nê hêrişan de 2 welatîyê sîvîlî şehîd bîyê û 4 kesî zî birîndar bîyê.