ZAZAKÎ NEWS - Şûraya Îdareyê Mehellî ya Demokratîkî ya DEM Partî, aşkere kerd ke, Hemsereka Şaredarîya Hezexî Turkan Kayir partî ra ameya dûrîvistiş.
Şûraya Îdareyê Mehellî ya Demokratîkî ya DEM Partî derheqê hedîseyanê ke Şaredarîya Hezexî de bîyê de yew beyanato nuştekî da. Beyanat de ame vatiş ke "Îradeya şarê Hezexî yo ke cuyêko azad awan keno, ganî şarê Hezexî rê bimano."
Beyanat de wîna ame vatiş: "Weçînayîşê 31ê Adarê 2024î de şarê Hezexî bi reyê %71.27 îradeya xo partîya ma het de bi hawayêko qerardar eşkera kerdo. Dimayê weçînayîşan, ma sey DEM Partî û sazîyanê xo, mîyanê 8 serran de talanê qeyûman ke Hezex de ameyo viraştiş orte ra wedarnayîş sey prensîbê xo yê bingeyênî nîşan da. Labelê ma dî ke talanê qeyûman, no dem de hetê tayê kesan ra zî waştêne dewam biko.
Nê semedî ra, Hemsereka Şaredarîya Hezexî Turkan Kayir şîye Şûraya Dîsîplînî ya Merkezî ya DEM Partî; Endamê Meclîsê Şaredarîye Ekrem Şimşek zî şi Şûraya Dîsîplînî ya Wilayetê Şirnexî ya DEM Partî. Prosesê dîsîplînî yo ke derheqê Kayir û Şimşekî de dewam keno, hetê şûrayanê ma ra ame nirxnayîş û qedîya. Şûrayanê ma yê dîsîplînî qerar da ke Kayir û Şimşek partîya ma ra bêrê dûrîvistiş."