Wezaretê Kar û Asayîşê Komelî bi îdîaya ke 532 kesî şaredariyanê Partîya DEM'î ra gure ra ameyê eştiş, dest bi cipersayîşî kerd.
Wezaretî şaredarîyan rê mufetîşî wezîfedar kerdî.
Vizêr îdîa bibi ke bade qedîyayîşê soznameyê karkerê ke Şaredariya Bajarê Girdî ya Dîyarbekirî de xebitîyênê ra dima, 532 kesî gure ra ameyê vetiş.
Goreyo ame zanayîş, semedê kontrolan Midûriyetê Rayberî û Teftîşî yê Wezaretê Kar û Asayîşî mufetîşî wezîfedar kerdî.
Şaredarîya Dîyarbekirî vizêr aşkere kerdbî ke, semedo ke mîyanê şaredarî de lazimtî çin a 300 kesî gure ra ameyê vetiş.
Seke zanîyeno demê dewrê qeyûman de xeylê kesî şaredarîyan de ameybî cakerdiş û bê kar û xebate maeş girewtêne.
