Hetkarê Serekê Koma DEM Partî Gulîstan Kiliç Koçyîgitî va: "Heyeta ma do mîyanê çend rojan de şêro Îmralî. Ma pawenê ke çend mîyanê rojan de semedê zîyaretê Îmralî destur bêro dayîş."
Hetkara Serekê Koma Partîya Seypeyî û Demokrasî ya Şaran (DEM Partî) Gulîstan Kiliç Koçyîgit kombîyayîşê çapemenî yê Meclîsî de derheqê hîrêyine zîyaretê Îmralî de qisey kerd.
Gulîstan Kiliç Koçyîgit va va:
"Heyeta ma do mîyanê çend rojan de şêro Îmralî. Ma pawenê ke mîyanê çend rojan de pêvînayîş bêro kerdiş. Zîyaretê Îmralî de, bi taybetî zî malumatê derheqê zîyaretanê ke başûrê Kurdistanî de ameyê kerdene, munaqeşeyê ke ameyê kerdene do rêzdar Ocalanî reyde bêrê parekerdiş. No zîyaret ra dima do tarîxê vengdayîşê Abdullah Ocalanî zî bewlî bibo. No vengdayîş do çareserîya persa Kurd de bibo destpêkê dewrêko newe. Ma zanenê ke o vengdayîşo tarîxî do bêro.."
Veng da Meclîsî
"Vengdayîşê tarîxî ra dima, mesûlîyetêko gird keweno ser milê Meclîsî. Ma vengê xo danê Meclîsî ke nê vengdayîşê tarîxî ra dima mesûlîyet bigêro xo ser, destê xo bido binê kerra û îhtîyacê nê vengdayîşî bîyaro ca."
