Şaredarîya Amedî ya Şaristanê Girdî, seba weşîya şarî vera kêzik, meqesek, mêse, qijnik û heşeratê bînan bajar de xebatanê dermankerdişî dewam kena.
Ekîbê Dermankerdişî yê Serekîya Daîreya Karanê Weşîye; seba ke populasyonê kêzik, mêsî, melşe, qijnik û heşeratê bînan daraxo ke weşîya însanan rê tehluke nêbo, bêro tepiştiş, bi metodanê mucadeleyê zanistî dermnkerdişî dewam kenê.
Fealîyetê dermankerdişî bi 274 personel, 80 wasita, 34 holder, traktorê holderî, 15 atomîzor, 50 hacetê ulvî, 200 pompayê pişte, mîsblowerî, 5 hacetê mijkerdişê termalî reyde bajêr de dewam kenê.
Dermankerdiş vera larvayê melşe û mêsan yeno kerdene
Xebatê dermkerdişî, vera larvayê melşe û mêsan hewz, gole, goleke, kanalîzasyon, bataqî, foseptîkî, cayê ke gubre yeno arêdayene, axur, silo û cayê bînan de bi periodanê dîyarkerdeyan yeno kerdene.