Sazîya Tirkîya ke kontrolê Bankeyan kena vana, mabênê bajaranê ke deynê xo yê kredîyî nêdanê de, Amed rêza yewin de yo. Ekonomîstî vanê, sebeb çaresernêbîyayîşê mesela kurdan o û coka bajarê kurdan pey de manenê, aver nêşînê. Şar vano ke gelîrê înan deynê înan rê bes nêkeno.
Goreyê datayê Sazîya Kontrolê Bankeyan a Tirkîya serra 2024î de, deynê kesanê ke kartê kredîyî xebitnênê pêro pîya resayo 1 trîlyon û 700 mîlyar lîre. Data nîşan dana ke Amed nê warî de rewşêka balkêş der a, ke yew serre de hûmara kesanê ke deynê înan ê kartê kredîyî esto %78 zêde bîyo û mabênê bajaranê ke deynê xo yê karêa kredîyî nêdanê de zî Amed rêza yewin de ya, ke kesê ke deynê xo wextê dîyarkerde de nêdanê hetê qanunî ra yenê taqîbkerdene.
Ekonomîstî vanê, hem bêkarîye Amedî de zêde ya hem zî krîzê ekonomî her ke şino xorîn beno.
Ekonomîstî vanê: "Şar nêşkeno kiraya xo bido, nêşkeno malzemeyanê cuya rojane dest bifinê, coka deyndar beno, sebeb zî sîyasî yo, problemê kurdan o, sermaye zî nêno, çunke asayîş çin o. Wexto ke wina bo zî feqîrîye zêde bena."