Serekê rayberîya neweye ya Sûrîye Ehmed Şera munasebetê serekîya Donald Trumpî yo ke bîyay serekê newe yê Amerîka, ey pîroz kerd û va: "Trump eşkeno aştî bîyaro Rojhelatê Mîyanênî."
Ehmed Şera beyanatê xo de va: "Ez bi nameyê rayber û şarê Sûrîye serekê Amerîka yê 42inî Donald Trump pîroz kena,. Weçînayîşê Trumpî bawerîya şarê Amerîka ya ey rê nîşan dano."
Şera va: "Ma bi zerrî ra seba Serek Trump û şarê Amerîka serkewtene wazenê."
Beyanat de ame vatene: "10 serranê vîyarteyan de, Sûrîye rastê bêîstîqrarî û felaketêk ameye. La bawerîya ma Trumpî ra esta ke o do aştî û aramî bîyaro Rojhelatê Mîyanênî . Ma paweyê cî yê ke têkilîyê mabênê her di welatan de goreyê dîyalog û yewbînîfehmkerdişî hîna weş bibê."
Şera va: "Ma na bawerî de yê ke na raybeberî reyde, Amerîka û Sûrîye do fersend bi dest finê û hetkarîyêka waştişê her di welatan nîşan dana, bîyarê meydan."
Donald Trump vizêr Dişeme 20.1.2025î de yew merasîm de sond wend, ke 4 serran û cayê Joe Bidenî de bibo 47in Serekê Amerîka.
Trumpî verê cû dîyar kerdbî ke çîyo ke Sûrîye de qewimîyeno, têkilîya welatê ey pê çin a, badê rijîyayîşê rejîma Beşar Esedî demêko kilmek de vatbî: "No şerê înan o, şerê ma nîyo."