Parlamenterê HUDA PARî yê Mêrsînî Faruk Dînçî va, "Sebebê meseleya kurdan Kemalîzm o û çareserî zî Îslam o. Kemalîzm jehrr o û şima nêeşkenê nê jehrî ma rê bidê şimitene."
Komeleya Însîyatîfa Heqan û Partîya Doza Azade (HUDA PAR) Dîyarbekir de meseleya kurdan ser o konferansêk viraştibi.
HUDA PARî na konferans de "resmîbîyayîşê ziwanê kurdkî, perwerdeyê bi ziwanê dayîke û welatîbîyayîşê seypê" waştibi.
"HUDA PAR vera dewlete û Ataturkî yo"
Serekê Pêroyî yê CHPyî Ozgur Ozelî na mesela arde rojev, rexneyê tujî HUDA PARî rê kerdî û va, "HUDA PAR vera alaye yo, vera dewlete û Ataturkî yo."
"Kemalîzm jehr o û ma nê zehirî nêşimenê"
Parlamenterê HUDA PARî Faruk Dînçî vizêr Parlamentoyê Tirkîya de cewab da rexneyanê partîya xo û va:
"Ma zanê dişmenatîya şima Îslamî reyde ya, derdê şima Îslam o. Sebebê meseleya kurdan Kemalîzm o û çareserî zî Îslamî de ya. Şima Kemalîzmî pêşnîyaz kenê ke zehirê çareserî yo û şima wazenê nê zehirî ma rê bidê şimitene. Kemalîzm zehir o û ma nê zehirî nêşimenê. Ma do bi biratîya Îslamî biresê çareserî. Ma do tirk, kurd, ereb, zazayî pêro pîya Tirkîya de sey way û bira biciwîyê."
Hadrekar : Enwer Yılmaz
