Fîlmo newe yê derhênero Kurd Mehmet Alî Konar o bi namê "Demo ke Pelê Gozan Benî Zer" premierê xo ya Tirkiya Festîvalê Fîlmê Sûc û Ceza de kerd.
Festîvalê Mîyannetewî yo 14in yê Fîlmê Sûc û Ceza Îstanbul de dest pêkerd.
Mîyanê 60 fîlman de fîlmêkê bi Kurdkî zî esto û no fîlm zî fîlmê Mehmet Alî Konar o bi namê "Demo ke Pelê Gozan Benî Zer" o.
No fîlm fîlmê Mehmet Alî Konarî yo hîrêyîn o û fîlm de Kurdîya Zazakî û Kurmancî pîya yenê cebitnayîş.
Fîlmê Konar, premierê xo yê dinya Festîvalê Goteborgî de kerdbi û ci rê eleqeyêko zaf zêde bibi.
Mehmet Alî Konarî verê cû derhênerîya fîlmanê Govenda Alî û Dayka Zîn û Hewno Bêreng kerdo û bi ê fîlman çend festîvalanê fîlman da xelatî girewtî
