Grûba Xebate ya Ziwan û Kulturê Zazakî Mazêre, ke Îstanbul de awan bîya, do xebata xo ya verêne organîze biko.
Grûbe seba tarîxê çalakîya xo ya verêne 21ê Kanûna Verêne ke bi nameyê Şewa Yelda zî yena şinasnayîş û şewa tewr derge ya, weçînaya. Çalakî de, ke nameyê xo "Şewa Estanikan" o, Mem Keleş û tîyatrokarê hunerî Alişan Onlî do performansê estanikanê zazakî pêşkêş bikerî. Muzîsyen Wusar zî do bi deyîranê xo beşdarê şewe bibo.
Çalakî do saete 18:00 de Komeleya KAYY-DERî (Komeleya Ardimkerdişê Sosyalî, Averşîyayîş û Kulturî ya Qezayanê Gêxî-Xulaman-Azabaxçe-Yayladere-Yedisu) de bêro viraştiş.
Mazêre, ke yew demêko derg o pê amadekarîya na şewe ya, veng dano herkesî ke beşdarê na çalakîya zazakî bibo.
Grûba Mazêre derheqê aktîtîte de yew beyanat da û wîna va:
Aktîvîteya bi nameyê ‘Şewa Estanikan’ Merkezê Kulturî yê KAYY-Derî de do bêra kerdene. Şewa Estanikan de Mem Keleş û kaykerdoxê tîyatroyî Alîşan Onlu do vejîyê sehne ser û estanikan vajê. Muzîsyen Wusar zî aktîvîte de seba meymanan do deyîran vajo.
Aktîvîte do 18.00 de dest pêbikera.
Koma Mazêre ard ziwan ke ê wextêkê dergî ra nata seba na aktîvîte amadekarîyan kenê û wazenê ke Şewa Estanikan de pêroyê şarê ma bîyarê têhet.
Mazêre venga pêro heskerdoxanê ziwanî da ke wa 21ê kanûne de tewrê aktîvîte bibê.
Çimeyê xebere: Çewlik.net
