Hemserekê şaredarîya qezaya Tetwanî ya Bedlîsî yê DEM Partî Mumîn Erol bi îdîaya "heqaretê Serekkomarê Tirkîya" ame tepiştiş.
Hêzê emnîyetî Mumîn Erol bînaya şaredarîye ra girewt û berd mudirîyetê emnîyetî.
Dima ke Mumîn Erolî mazbataya xo girewte û dest bi karî kerd, resimê Erdoganî odaya xo ya resmî ra vet û seba naye bi îdîaya "heqaretê serekkomarî" derheqê ey de tehqîqat amebi destpêkerdiş.
Erol aşma hezîranî de seba îfadedayîşî amebi dawetkerdiş.
Hetêko bîn ra, Vengdara DEM Partî Ayşegul Doganî derheqê tepiştiştişê Mumîn Erolî de va: "Melumatê zelal çin ê, komîsyonê ma yê huquqî teqîp keno, ma heta nika nêzanê hemserekê ma yê Şaredarîya Tetwanî çira ameyo tepiştene."
Mumîn Erol ke lîsteya DEM Partî ra weçînayîşanê mehellîyan yê 31ê Adarî de beşdar bibi, se ra 48,52yê rayan girewtibi û weçînayîş qezenc kerdibi.
