Her çiqas peynîya hamnanî nêzdî bena zî germ do hetanî aşma Tebaxe de bizêdîyayîş dewam biko.
Semedê germê zêdeyî zî hayîdarîyî yenê dayîş ke wa şar xo germê zêdeyî ra bipawo.
Sazîya Metotolojî ya Tirkiya hayîdarî da ke dereceyê hewayî nê rojan de bizêdîyo û germê hewayî goreyê normalê demserrî 4 heta 8 derece zêde bibo û waşt wa semedê germê zêdeyî tedbîrî bêrê girewtiş.
Goreyê Saziya Metorolıjî, 19ê Tebaxe ra tepîya dereceyê germî 4 heta 8 derece zêde bibo.
Heto bîn ra Bakurê Kurdistanî de zî hema her şaristan de dereceyê hewayî 40 derece ra kêmî nîyo.
Hayîdarî amey dayîş ke, kesê emirdegî, tutî û nêweşî wa mabênê saetanê 11:00 û 16:00 de nêvejîyê teber û semedê germê zêdeyî tedbîran bigîrê.
Heto bîn ra semedê şaristananê Çewlîg, Mûş, Bedlîs, Wan û Colemêrgî yê Bakurê Kurdistanî îqazê varanî ame dayîş.
Gelo semedê germî ra payîyayîş gelo merdim se biko?
- Ganî merdim mirdîya xo awe bişimo
- Ganî merdim xo zerqanê tîje ra bipawo
- Kincanê ke rengê înan akerde yê bidêne xora
- Xo zaf rincan mekerêne
- Cayo zime û honikan de wextê xo bivîyarnêne
- Eke şima ferq kerd şima nêweş ê şêne doktorêk