Mintiqaya Kanîreşî ya Çewlîgî de keyeyê Şenliyan verê Koyê Şeytanî de mêsanê hingimênî wey keno.
Keyeyo Çewlîgij paytextê Brîtanya Londra de musabeqaya ke 54 welatanê îstîhsalkeran tede beşdar bîyî de madalyaya zerdine girewte.
Hingê Çewlîgî ke Yewîya Ewropa qeyd kerdo, 174 hezar kuwareyê mêsan ra yeno girewtene.
Bajar de hezar û 300 hingdarê qeydkerdeyî estê.
Şêlikê keyeyê Şenliyan pîl û kalikanê xo ra nat mêsanê hingan wey kenê û seba ke mêsê înan hingo tewr kalîteyin bivirazê zaf xebetînê.
Endamanê keyeyî ra Turan Şenli yo 56 serrî verê Koyê Şeytanî ke berzîya ey nêzdîyê 2 hezar û 250 metreyî ya, mêsan wey keno.
Nêzdîyê 2 hezar kuwareyê keyeyî estê.
Keyeyê Şenli seba ke hingê xo bido şinasnayîş, 10ê Gulane de "Musabeqaya Xelatanê Hingimênî ya Londra" rê muracat kerd.
54 welatî beşdarê musabeqa bîyî.
Komîte netîceya ercnayîşî de 13ê Temmuze de xelata madalyaya zerdine da hingê Çewlîgî yo ke keyeyê Şenliyan erşawito.
Turan Şenlî va ke, o bi lajê xo û birazayê xo ya mêsan wey keno û keyeyê înan ra 14 kesî nê karî kenê. Badê ke Yewîya Ewropa hingê Çewlîgî qeyd kerd û ma xelat girewt, ma emser bi heyecanêko pîl dest bi arêkerdişê hingimênî kerd.
