ZAZAKÎ NEWS - Meclîsê Ewlehîya Kar û Weşîya Karkeran (ISIG) eşkera kerd ke Tirkîya û Bakurê Kurdistanî de menga adara emserrî de tewr tay 145 karkerî kar ser de dinyaya xo bedilnayê.
Meclîsê Ewlehîya Kar û Weşîya Karkeran raporê xo yê "Cinayetê Karî" yê Adara 2025î eşkera kerd.
Goreyê raporê ISIGî, adara emserrî de sektorê sanayî de 46, sektorê viraştişê bînayan de 38, sektorê xizmetkarîye de 33 û sektorê zîraetî de zî 28 karkerî merdî.
Ame dîyarkerdiş ke menga adare de, karkerê ke canê xo vînî kerde, înan ra 3 kesî endazyar bîyê.
Ancî mîyanê karkerê ke merdê de 7 cinî û 6 gedeyî û 4 zî mihacirî estê.
Rapor de qeyd bîyo ke çar ra yewê karkeran emrê înan mabênê 18 û 25 serran de biyo.
Ancî merdişê karkeran tewr zaf herêma erdlerzî de bîyo û 15 karkerê ke sektorê viraştişê bînayan de xebitîyenê, wîlayetanê Hatay, Dîlok, Semsûr, Meletî û Osmanîye de merdê.
