ZAZAKÎ NEWS - Goreyê îstatîstîkanê Rayberîya Pêroyî ya Hepsxaneyan a Tirkîya, hepsxaneyanê Tirkîya û Bakurê Kurdistanî de pêroyî de 403 hezar û 60 hepsî estê.
Na hûmare 103 hezar û 179 kesî kapasîteyê hepsxaneyan ra zêdeyêr a.
Rayberîya Pêroyî ya Hepsxaneyan a Tirkîya îstatîstîkê peyênî yê hepsîyanê ke hepsixaneyan de manenê eşkera kerdî.
Goreyê ci, pêroyê hepisxaneyanê Tirkîya û Bakurê Kurdistanî de pêroyî de 403 hezar û 60 hepsî manenê.
Goreyê malumatanê keyepelê resmî yê Wezaretê Dadî yê Tirkîya kapasîteyê 395 hepisxaneyanê Tirkîya û Bakurê Kurdistanî pêroyî 299 hezar û 881 kesî yê.
Yanî nê hepsxaneyî şenê tenya hende kesan bigîrê, la goreyê amaranê peyênan 103 hezar û 179 kesê hepsî ke kapasîteyê mewcudî ra zêdeyêr ê hepsxaneyan de manenê.
Goreyê ci, hepsxaneyanê Tirkîya û Bakurê Kurdistanî de 2yê Kanûna Peyêne ya 2024î de 292 hezar û 282 kesî, 3yê Hezîranê 2024î de 337 hezar û 760 kesî, 1ê Teşrîna Peyêne ya 2024î de 371 hezar û 587 kesî, 2yê Kanûna Verêne ya 2024î de 378 hezar û 657 kesî, 3yê Sibate ya 2025î de 392 hezar û 456 kesî û 3yê Adare ya 2025î de zî 398 hezar û 694 kesî mendêne.
