Goreyê raporê Federasyona Rojnamegeran a Mîyanneteweyî (IFJ) mîyanê serra 2023î de 120 rojnamegerî û xebatkarê medya ameyê kiştiş, nînan ra 68ê xo Xeze (Fîlîstîn) de ameyê kiştiş.
Goreyo ke aşkere bi, nînan ra 11 rojnamegerî cinî yê.
Netîceyê şerê Xezeyî de 75 rojnamegerê Filistînî, 4 Îsraîlî û 3 rojnamegerê Lubnanî ameyê kiştiş. Sûriye de zî 3 rojnamegerî kişîyayê.
Herêma Asya-Pasîfîkî de Hindistan, Afganîstan, Fîlîpîn, Bangladeş, Pakistan û Çîn de 12 rojnamegerî ameyê kiştiş. Amerîkaya Bakur û Başûrî de zî 10 rojnamegerî ameyê kiştiş.
Kamerûn, Sûdan, Lesoto, Malî, Somalî, Mozambîk û Nîjerya û Afrîka de 8 rojnamegerî ameyê kiştiş.
Sînoranê Ewropa ser de, şerê Ûkrayna de 3 rojnameger û xebatkarê çapemenî, 1 Ukraynî, 1 Rûs û 1 Fransî merdê. Arnavutlukî de zî rojnamegerek amo kiştiş.
Çime: Bîanet