Eskerîya Îsraîlî vate ke “saete 19:30 de Îranî dest bi erişanê roketanê xo kerd û eşt Îsraîl se û Îsraîlî waşt ke şarê xo şêro cayê pawiteyî û hişyar bo.”
Sipaya Pasdaranê Îranî zî derheqê êrîşî de yew beyanat vila kerd û va ke “Ma desan roketî eştê Îsraîl ser.”
Eskerîya Îsraîlî îlan kerd ke zêdeyê 250 roketî ameyê eştiş.
Sipaya Pasdaranê Îranî zî derheqê êrîşî de yew beyanat vila kerd û va ke “No êrîş seba kişyayîşê Îsmaîl Henîye, Hesen Nasralah û Ebbas Nîlfiroşanî ameyo kerdiş.
Vervatoxê Eskerîya Îsraîlî Daniel Hagarî zî va ke “Ê nika şarê xo pawenê û do cewabê êrîşê Îranî bidê û va “Ma seba pawitişê Îsraîlî xebitîyenê. Ma semedê pawitişê şarê Îsraîlî mîyanê yew hişyarîya berze de yê."
Koşka Sipî zî va ke “Serek Joe Biden rewşa peyêna ya êrişê roketanê Îranî nêzdî ra teqîb keno.
Koşka Sipî îlan kerd ke Bidenî waşt ke Eskerîya Amerîka Îsraîlî rê piştigirî bikero ke xo erişanê Îranî ra bipawo.
Kiştişê Henîye, Nasralah û Nîlfiroşanî
Serekê Polîtburoya Sîyasî ya Hemasî Îsmaîl Henîye Temmuze de paytaxê Îranî Tehran de, badê merasîmê sondwerdişê Serekkomarê Îranî Mesûd Pizişkîyanî, yew suîkast de amebi kiştiş.
27ê Êlula 2024î de Eskerîya Îsraîlî bingehê Hizbullahî yê Beyrûtî bombebaran kerd.
Netîce de Sekreterê Hizbullahî Hesen Nasralah û Fermandarê Sipaya Pasdaranê Îranî yê Lubnanî Ebbas Nîlfiroşan ameybî kiştiş.