Meclîsa Asayîşê Kar û Weşîya Karkeran (ISIG) eşkera kerd ke Tirkîyamîyanê 12 serranê peyênan de 2 hezar û 664 karkerî kar ser o merdê.
ISIGî "Raporê Karkerê Ciwanî" kerd
Goreyê raporî, Tirkîya de mîyanê 12 serranê peyênan de tewr tay 2 hezar û 664 karkerê ciwanî kar ser o merdê.
ISIGî raporê xo de bale anta polîtîkayê hukmatî û feqîrî û xizanîya keyeyan ser.
Rapor de ame îzahkerdiş ke seba ke hukmat keyeyan ra waştişê virastişê zaf gedeyan keno, hûmara karkerê gedeyan û feqîrî zaf zêde ya.
Goreyê raporî:
- Serra 2013î de tewr tay 193 karkerê ciwanî
- 2014î de tewr tay 226 karkerê ciwanî
- Serra 2015î de tewr tay 222 karkerê ciwanî
- 2016î de tewr tay 233 karkerê ciwanî
- Serra 2017î de tewr tay 232 karkerê ciwanî
- Serra 2018î de tewr tay 225 karkerê ciwanî
- 2019î de tewr tay 206 karkerê ciwanî
- 2020î de tewr tay 202 karkerê ciwanî
- 2021î de tewr tay 174 karkerê ciwanî
- 2022î de tewr tay 252 karkerê ciwanî
- 2023î de tewr tay 260 karkerê ciwanî
- Serra 2024î de tewr tay 239 karkerê ciwanî kar ser o merdê.
