Artêşa Îsraîlê da Nêweşxaneyê El-Mamedaniyî yê Xezeyî ro û hêriş de 500 kesî merdî.
Goreyo ke Wezaretîya Weşîye ya Filistînî aşkere kerd, artêşa Îsraîlî şewa bîne bi bombeyan dayo Nêweşxaneyê El-Mamedaniyî ro encamê hêrişî de tewr kêmî 500 kesî merdê. Hêriş de seyan kesî zî birîndar bîyê.
Artêşa Îsraîlî hêrişê nêweşxaneyî red kena û vana; "Cihada Îslamî roket eştê nêweşxane û eleqeyê ma bi nê hêrişî çin o."
Serekwezîrê Îsraîlî Binyamin Netanyahuyî zî yew beyanat da û va ke,
“Gere pêro dinya pê bizano ke, artêşa Îsraîlî nêweşxane bombarduman nêkerda. Êyê ke nê hêrişî kerdê terorîstê Xezeyî yê."
Roja newê na aşme ra nata hêrişanê Îsraîlî de 2 hezar û 215 Fîlîstînijî merdê. Hêrişanê Hamasî de zî hezar û 300 Îsraîlijî merdê. Hêverî Hamasî bi roketan hêrişê Îsraîlî kerdbi û rojêk de seyan Îsraîlijî kiştbî. Badê cû zî hukmatê Îsraîlî vera Fîlîstînî şer îlan kerd û mabênê her dihetan de şer dewam keno.