Paytaxtê Sûrîye Şam de, badê êrîşanê Îsraîlî zaf teqayîşî qewimîyayî û pêşkêşkerdoxa televîzyonî Sefa Ehmed zî nê êrîşan de merda.
Ajansa Resmî ya Sûrîye (SANA) îlan kerd ke Îsraîlî şewa bîne Şam de zaf êrîşê asmênî kerdî.
SANAyî va ke Îsraîlî saete 02:05 de bi teyarayanê şerî û dronanan hêrîş kerdo paytaxtê Şamî ser û va: Nê êrîşan de 3 sivîlî merdî û 9 sivîlî birîndar bîyê.
SANAyî da zanayîş ke pêşkêşkerdoxa Televîzyonê Dewlete yê Sûrîye Sefa Ehmed zî hêrîşê Îsraîlî de merda.
Îsraîlî heta nika derheqê na mesela de beyanat nêdayo.
Goreyê xebera Şam FMî, hêriş mintiqaya Mezeyî ke nêzdîyê Balyozxaneyê Îranî de ca gêno de bîyo.
Îsraîlî 1ê Nîsane de zî hêrîş berdbi bînaya Konsolxaneyê Îranî ya Şamî ser û 7 rayberê Îranî kiştibi. Înan ra yew fermandarê Supaya Pasdaranî bi.
Îsraîl, destpêkê şerê zerreyî yê 2011î yê Sûrîye ra nat, zaf rey êrîş berdo erdê Sûrîye ser û bi taybetî zî grûbanê ke nêzdîyê Îranî yê keno hedef.