Serrgêra Komkiştişê Madimakî ya 31ine de 33 qurbanîyê komkiştişî welat û Tirkîya de yenê vîrardiş.
33 kesî serra 1993êi de Sêwaz de Otêla Madimakî de pê vêşnayîş ameybî qetilkerdiş û zafê înan roşinvîr, nuştox û hunermendê Elewî bî.
2ê Temûza 1993î de semedê aktîvîteyêka kulturî ya Pîr Sultan Abdalî hetê Komeleya Kulturî ya Pîr Sultan Abdalî ra çalakîyêk ameybî organîzekerdiş, Îslamîstê radîkalî Otêla Madimakî vêşnabî û 33 nuştox, zana û hunermend û 2 karmendê otêle merdbî.
Sêwazî de otêlêka bi nanameyê Madimak esta ke bi destê komanê nîjadperest û îslamîstan ra adir erzîya mîyanê otêle û 33 tenî ameyî qetilkerdiş Kesê ke ameybî qetilkerdiş zafê xo Kurdê Elewî bî. Mîyanê înan de deyîrbaz Hasret Gültekin (22) zî estbi û kilamê kurdkî û tirkî vatêne.