Beledîyeya Sêwregi, semedo ke wa nameyê ey heta-heta biciwîyo, nameyê Şaban Şenateşî dayo parkêk.
Goreyo ke ame zanayîş parka ke nameyê ey dîyayo ci kişta keyeyê ey de ca gêna. Semedo ke Beledîyeya Sewrêgi nameyê ey dayo parkêk, heskerdoxê ey pê zaf keyfweş bîyê.
Şaban Şenateş serra 1966î de Sêwregi de amebi dinya û serra 2021î de rîyê neweşîya Korona ra Sêwregi de dinyaya xo bedilnabi.
Şaban Şenateş o Sêwregij bi serran semedê Zazakî-Dimilkî xebatî kerdbî û tewr peynî Ferhengêko Zazakî vetibi.
Şaban Şenateşî qasê 30 serrî Ferhengo ke hadre kerdbi ser o xebitîyabi û ferhengî de 36 hezar û 800 çekûyî estî. Ferhengê bi nameyê “Ferhengê Zazakî” hetê weşanxaneyê Nubiharî ra amebi çapkerdiş.