Parlamenterê HDPyî yo verîn Nîmetullah Erdoğmuşî semedê Serekîya Beledîyeya Bajarê Girdî ya Dîyarbekirî muracat kerd.
Pê hesîya ke, Nîmetullah Erdoğmuşî semedo ke bibo Serekîya Beledîyeya Dîyarbekirî muracatê kerdo.
Partîya Demokrasî û Seypeyî ya Şaran (HEDEP) vizêr aşkere kerd ke înan hetanî 20ê Kanûne demê muracatî kerdo derg.
Xeylê wext esto ke namê Nîmetullah Erdoğmuşî semedê Serekîya Beledîyeya Dîyarbekirî vêreno. Aşkere bîyo ke Nîmetullah Erdoğmuşî semedê Serekîya Beledîyeya Dîyarbekirî muracat kerdo.
Hetanî nika hîrê kesan semedê Serekîya Beledîyeya Dîyarbekirî muracat kerdo û mîyanê înan de nazmeto en quwetin Nîmetullah Erdoğmuş o.
Nîmetullah Erdoğmuş ewro ame Serekîya Bajarî ya HEDEPî û dosyaya xo da zere. Erdoğmuşî va; "Semedo ke ez şarê Dîyarbekirî rê xizmet bikî mi semedê Serekîya Beledîye muracat kerdo. Wa şarê ma rê xeyrîn.
Nîmetullah Erdoğmuş kam o ?
Nîmetullah Erdoğmuş serra 1960î de Çewlîg de ameyo dinya. Fakulteya Îlahîyatî ya Ataturkî qedînayo. Xarpêt, Kîlîs û Dîyarbekir de muftîtî kerdo. HDP ra 5 serrî bîyo Parlamenterê Dîyarbekirî, 5 serrî Riha de Parlamenterî kerdo. Erdoğmuş hema zî endamê HEDEPî yê Meclîsê Partîye yo.