Serdozgerîya Komare ya Stenbolî seba kesê ke vengdayîşê boykotî kenê bi bahaneya "vatişê cîyakarîye " tehqîqat da destpêkerdiş.
Beyanatê Vervatoxê AKPyî Omer Çelikî ra dima Serdozgerîya Komare ya Stenbolî zî eşkere kerd ke, derheqê kesanê ke vengdayîşê boykotî kenê de tehqîqat dîyayo destpêkerdiş.
Wendekaranê zanîngehan zî medyaya sosyale de vila kerdbî ke 2ê Nîsana 2025î de nêşinê tu cayêk û bi no qayde boykot kenê.
Heto bîn ra serekê CHPyî Ozgur Ozel zî paştî dabi nê vengdayîşî û beşêk komelî zî nê vengdayîşî rê wayîr vejîyaybi.
Lîsteya boykotî ya CHPyî de NTV, Star TV, Volkswagen, Werdxaneya Gunaydin û Nusret, EspressoLab, D&R, Îdefix, AVMa Demîroren, Mobîlyaya Kîlîm, Ulker, TRT, TGRT, Amûrê Keyeyî yê Îhlasî, Weşanxaneya Turkuaz, Piyangoya Millî, misli.com, iddia.com, ETS Tur, DHA û ÎHA û Koma Doguşî ca gênê.
