Seyîd Riza û hevalê ey ewro Dêrsim de hetê dezgeyanê sîvîlan û temsîlkaranê partîyanê sîyasîyan ra ameyî yadkerdiş
Naye ra 1937 serrî verî roja 15ê Teşrîna Peyêne de rayberanê Dêrsimî ra Seyid Rıza, Uşenê Seydî, Fındık Axa, Alîyê Mirzê Silî, Hesenê Îvraîmê Qijî, Hesen Axa ve Resik Uşen Xarpêt de ameybî îdam kerdene.
Cayê mezelê Seyîd Rizayî û ê kesê ke demê 1938î de ameyê darde kerdene hîna zî bewlî nîyo. Merdişê Seyîd Rizayî se ra 86î serrî vîyartî.
Programê yadkerdişî hetê Platformê Demokrasî û Kede ya Dêrsimî ra ame viraştiş û Hemserekê DBPyî Çiğdem Kılıçgün Uçar, Parlamentera Dêrsimî ya HEDEPyî Ayten Kordu, Hemserekê DADî Musa Kulu zî ameyî programê yadkerdişî.
Hemserekê DADî Musa Kuluyî uca de yew qiseykerdiş kerd û va " Dewlete kena ke îtîqat û kulturê Dêrsimî çîne biko. La ma do ewro û meşte vera nê polîtîkayanê asîmîlasyonî xo ver bide, micadele bike."
Badê cû Nameyê Platformê Demokrasî û Kede ya Dêrsimî ser o Ali Ekber Kaya, Hemsereka DBPyî Çiğdem Kılıçgün Uçar û Parlamentera HEDEPî ya Dêrsimî Ayten Kordu qiseykerdişêk kerdê, dardekerdişê Seyîd Rizayî û hevalanê ey şermezar kerdê.
