Prof. Dr. Gazî Yaşargîl o Dîyarbekirij ke 99 serre bi û hetê Yewîya Cerahanê Mezgî ya Amerîka ra sey 'Cerrahê Tewr Rind ê Seserre' amebi weçînitene, wefat kerd.
Prof. Dr. Gazî Yaşargîl, 6ê Temmuza 1925î de qezaya Dîyarbekirî Lîce de ameyo dinya û sey yew merdimê zanistî û pisporo ke ceraheya mezgî de pêro dinya de şinasîyêno bi.
Yaşargîl o ke bi feydeyê xo yê vilakerdişê xebitnayîşê mîkroskobî û averberdişê teknîkanê mîkrocerahî yê ceraheya mezgî ra şinasîyêno, perwerdeyê xo yê tibî, Tirkiya ra dima Îswîçre de pisporîya noroşîrurjî wende û Unîversîteya Zurîhî de bi serekê Beşê Noroşîrurjî.
O, ke unvanê 'Cerrahê Seserre' girewt û sey babîyê ceraheya mezgî ya moderne yeno qebulkerdene, Teşrîna Verêne ya 2013î de Unîversîteya Arkansasî ya ABD ra teqawutbîyayîşê xo ra dima, Teşrîna Peyêne ya 2013î ra nat kadroyê Beşê Noroşîrurjî yê Fakulteya Tibî ya Unîversîteya Yedîtepe de ca girewt.
Dîyarbekir de, Nêweşxaneyê Perwerde û Cigêrayîşî yê Gazî Yaşargîlî esto ke bi nameyê ey xizmet dano.