ZAZAKÎ NEWS - Çewlîg de ekîban dest na 1 ton 800 kilogram mast û penîrê bêetîketî ser. Mabênê wayîranê mast û penîran û wezîfedaranê dewlete de pêrodayîş vejîya. Wayîrê mast û peynîran nêverda wa mastê înan bêro arêdayîş.
Ekîbanê Mudirîya Zîret û Daristanî ya Çewlîgî, sûke de yew toptancîyê werdî kontrol kerd. Êkîban tespît kerd ke tarîxê xerckerdişî yo peyên ê mastî û penîranê ameyo esterîtene û bêtîket ê.
Karkerê toptancî, nêverday wa ekîbî îşlem bikerê û ê tehdît kerdî. Ney ser o polîsî ameyî cayê bîyayîşî.
Kontrolan de 1 ton û 700 kilo mast û penîrê beetîketî yê ke bi nameyê 'mastê dewe' ameyêne rotiş ame tepiştiş. Mast û penîr hetê ekîbanê zabitaya Şaredarîya Çewlîgî ra ame arêdayîş.
Toptancî rê zî 126 hezar lîra ceza amey birînayîş. Derheqê kargehî de zî do serdozgerîye rê gerreyê sûcî bêro kerdene.
