Qedeyîfa Dîyarbekirî namdar a, berhemêka tesciline a Dîyarbekirî ya û Dîyarbekir de bi destê westeyanê Çolîgî ra yena viraştene.
Her tim Dîyarbekir de seke festîvalê şîranî esto û şarê Dîyarbekirî hem her roj semedo ke şîranîya xo bigîro şino verê dikananê şîranîroşan û şîranî erîneno.
Wexto ke demê payîzî yeno zî îmalatxaneyanê şîranîroşan de xebatêka pîle esta. 2-3 warîya semedê resnayîşê şîranîyan xebate esta.
Demê payîzî de 2-3 wardîya xebityenê
Westeyanê Qedeyîfe ra Mehmet Börüteçener vano, “Ma 2-3 aşmî verê Roşanî sîparîşan gênê. Eke êna nêbo ma nêeşkenê şîranîyan hadre bike. Ma hîrê rojî verê Roşanî 2-3 wardîya xebitîyenê. Ma Dîyarbekir ra şîranîyanê xo erşawenê şaristananê bînan zî. Hem demê roşanî hem demê payîzî rotişê qedeyîfe zêdîyen. Hamnan bineyke karê ma beno sist la payîz hewna beno zêde”
Semedê qedeyîfe weşe westetî û malzemeyo hewl
Mehmet Börüteçener êna dewam keno; “ Semedê viraştişê qedeyîfe hêvêrî gereke malzeme weş û biqalîte bo. Rûn, ardî û gozî... Esasê xo de qedeyîfe gozine weş a. La enê serranê peyînan de şar qedeyîfa fistiqine ra hîna zaf hes keno. Tenya malzeme bes nîyo, gereke westetî zî weş o. Ma çolîg ra yê. Ma kalûpîranê xo ra enê karî musayê. ma zî tîya de mûsnenê qijanê xo. Ma rojane 3-4 ton qedeyîfe roşenê. La ma roşanan de 50-60 ton qedeyîfe roşenê. Şarê ma qedeyîfe ra zaf hes keno.”
Bilhuda Doğan Çit / Zazakî News