Qeyumê Şaredarîya Qezaya Akdenîzî ya Mêrsînî Zeyît Şenerî 17 karkerê şaredarîye kar ra vetî.
Hemserekê Şaredarîya Akdenîzî yê DEM Partî Hoşyar Sariyildiz û Nurîye Arslan 10ê Kanûne Serra 2025î de bi îdîaya "endamîya rêxistina terorî" amebî tepiştiş.
Roja 13ê Kanûne zî, Qeymeqamê Akdenîzî Zeyît Şener cayê înan de sey qeyum amebi tayînkerdene.
Zeyît Şenerî destpêk de cayê 150 karkeran bedilnabi û ê şawitbî Beşê Pawîtişê Dormareyî.
Derheqê karkeranê ke vurîyayîşê beşê xo qebul nêkerdbî de tebdîl amebi viraştene û bi vetişê kar ra tehdît amebî kerdene.
Qeyum Şenerî 17 kesî kar ra vetî ke mîyanê înan de psîkolog, sosyolog, operator û rojnamegerî estê.
Şaredarîya Akdenîzî, karkeranê şaredarîye Nevzat Oguz, Hulya Ceylan Kurt, Zuhal Yalçin, Perîhan Traşli, Zulfîye Demîr, Ronya Canbey Demîrel, Tugba Çaliş, Engîn Aslan, Azîze Kuran, Onur Kaya, Ahmet Alpgîray, Seyîthan Gonen, Yilmaz Uslu, Mahsun Aksu, Helîn Demîr, Fatma Aydemîr, Mulkîye Ergul rê bi telefonî mesaj erşawit û va "Kontratê şima yê karî yê Şaredarîya Akdenîzî ameyo îptalkerdene."
