Goreyê raporê otopsî yê Tiba Edlî Adlî Narîn Güran bi fetisîyayîş ameya kiştiş.
Wexto ke Narîne ameya fetisîyayîş awîya ke fekê aye ra vejîyaya sawîyaya destê date aye Salim Güran.
Badê zî a awî destê date Narîne Salim Güranî ra sawîyaya dîreksîyon û qoltixê texsî.
Çi bibi?
Narîn Gurana 8 serriye 21ê Tebaxe de Diyarbekır de vîdî bîbî.
Wezîrê Karê Zereyî yê Tirkiya Alî Yerlîkaya roja yewşeme (8ê Êlule) îlan kerd ke cesedê Narîn Gurane ameyo vînayîş.
Waliyê Diyarbekırı Murat Zorluoglu zî eşkera kerd ke cesedê Narîne yew çuwale de û binê kerrayan ra vejiya.
Cesedê Narîn Gurane yew çuwale de nêzdiyê yew çemî de, hetê yew dewe ra vejiya.
Goreyê raporê verênî, cesedê Narîne 15 rojî awe de mendo û çokê aye şikîyayo.
Badê ke cesedê Narîne vejiya, 3 savciyê cumhuriyetî ameyî wezifedar kerdiş û 25 kesî, tede may, pî, dat û birayê Narîne zî, ameyî tepiştiş.