Wîlayetê Sêwazî de, vergî kewtî mîyanê mêşinan mîyan û 66 mêşinî merdî û 15 hebî zî birîndar bîy.
Dewa Bedirî ya Sêwazî de vergî ameyî dewe û eştî heywananê Salîm Kiliçogluyî ser.
Vergan gêwe ke 20 metreyî dûrê keyeyî de bî, 66 mîyî kerdî murdar û 15 mîyî zî birîndar kerdî.
Badê ke pêhesîya vergan eşto dewe ser xebere wesnîya cendirme û ekîbê Mudirîyetê Ziraat û Darî yê Sêwazî.
Wayîrê malî Salîm Kiliçogluyî va ke emegê ey yê 40 serran pêro şîyo û eleqedaran ra waştişê ardimî kerd.
Heto bîn ra, dewijan zî va ke, reya verêne yo ke dewê înan de bîyayîşêko winasî beno.