Wayîrê Facebookî Meta, applîkasyonê Threadsî semedê xebitnayoxê xo akerd.
Threads û Instagram pîya xebityenê û vajîyeno ke, xebitnayoxê Twitterî badê giranbiyayîşê Twitterî do nê platformê neweyî de xo rê hesabêk akerê.
Ronayox û wayîrê Metayî Mark Zuckerbergî aşkere kerd ke mîyanê çar saetan de 5 milyon hesabî Threadsî ser o ameyê akerdiş.
Goreyê xebera BBCyî her çiqas zî Threads 100 welatan de yeno xebitnayîş zî, Threads hîna zî welatanê Ewropa de rîyê sererastkerdişî ra anêbîyo.
Threads senî yeno xebitnayîş?
Xebitnayoxê Threadsî sey Twitterî eşkenê platformî ser ra lînk, video, fotograf û parekerdişê xo vila bikê.