Nuredîn Celalî
Serranê peyinan de zazakî Solaxan de eleqeyo pîl vîneno. Nika Solaxan de dersa weçînayişî 11 wendegeho miyanîn de dewam kena û hîrê mamostayê zazakî estê. Qeza de zazakî cuya cematkî û kulturî de bi hewayo lezkanî vila bena. Serra ameyox de 9 wendegeho miyanîn 925 wendekarî do dersa zazakî bigirê. No averşîyayîş de hetkarîya qeymeqam û midûrê perwerdeyî zî estê.
Koma Tîyatroyê Şehrî Bîngol bi hetkarîya Midûrîya Perwerde ya Solaxanî û Beledîyeya Solaxanî 12.06.2025 de roja pancşeme semede wendekaranê sınıfa 8in kayê tîyatroyê zazakî kaykerd. Kaye de di kayê ameyê sehne:
Kayo Yewin: "Heim", Gurbetçîyê ke şinê Almanya ser o yo. Kay Almanya de yew qamp de viyereno. Meseleyê dabare û cematkî yê gurbetçîyan sero yeno vindertiş. No keye de yew qismê kay ameyo sehne. Tamamê kayî Almanya Hamburg de ameyo kaykerdiş. Zehmetîya xerîbîye bi tarzê mîzahî amo nuştîş. Kay de şeş kayderdoxî bî.
Kayo Diyin: Wexto ke Meydanê Teyareyan yê Çewlîgî abiyo, Senarîst, şîyo müşahede kerd û bi şeklo mubalaxa senaryo nuşt. Kome no kay Ankara, Îstanbul û hem zî Almanya Hamburg de kaykerd.
Rejîsor: Yunus Çiftçi
Ca: Merkeza Kultur ya Solaxanî Solhan kültür merkezi
Tewir: Komedî
Koma Tîyatroyê Şehrî Bîngol 13 serrî yo çewlîg de bi zazakî tîyatro kena. Hewt kayê Koma Tîyatroyê Şehrî Bîngolî Kurdistan, Tirkîya û teber de şîyê festîvalan. Koma Tîyatroyê Şehrî Bîngol 2006 de ameya ronayîş. 2012 ra nat zî têna zazakî kaykenâ. Kome de 11 kaykerdoxî estê. Kome de hewt mamostayî, yew memurê posta, yew wendekarê unîversîte û yew zî muhendîs esto.
Xebatanê Kome de Beledîyeya Çewlîgî hetkarî kena. Reyna Sibatê 2025 de bi hetkarîya Walîtîyê Çewlîgî, zereyê projeye "Di Ziwan Yew Sehni " de dewan ra 8 wendekarî dahîlê kome kerdê, perwerde bî û kayan de ca girewt.
