Tiyatroyê Bajarê Girdî yê Diyarbekirî ke binê îdareyê Serokatiya Daîreya Kultur û Karê Komelkîyan de xebetîyeno, bi versiyonê kurdkî yê romanê Cervantesî "Don Kîşot" dest bi demê neweyî kerd.
Kay Merkezê Kultur û Konferansî yê Cahitê Diyarbekirî de ame kay kerdiş.
Tiyatrokarî sey Ozcan Ateş, Şahabettîn Dag, Rezan Kaya, Elîvan Koçer, Sena Ozbey, Kevnar Înal û Şîlan Alagoz rolê serekeyî yê kayê Don Kîşotî kay kerdî.
Zewbî, Ferhat Keskînî zî kargerdariya kayî kerda.
Serra 2016 de Wezîrê Karê Zereyî yê Tirkiya Şaredariya Bajarê Girdî ya Diyarbekirî rê qeyum tayîn kerdbi.
Badê tayînkerdişê qeyuman keykerdoxê Tiyatroyê Şaredariya Bajarê Girdî yê Diyarbekirî kayê kurdkî rê amebî girewtiş.
Kaybazî tarz û metodanê neweyan ceribnenê
Kayê Don Kîxotî de Ozcan Ateş, Şahabettîn Dag, Rezan Kaya, Elvan Koçer, Sena Ozbey, Kevnar Înaê û Şîlan Alagoz ca gênê. Kaybazî klasîkanê dinya adapteyê kurdkî kenê û tarz û metodanê neweyan ceribnenê. Kaybaz û rejîsorî wexto ke adapteyê kurdkî kenê, tena metînan ney pêro pîya her hetî ra seba kurdkî adapte kenê.
Babeta kayî
Don Kîxot şovalyeyêko saf û zerrîpak o vera xirabîye şer keno û camêrdî û başîye paweno. Sewbîna dinyayêka Don Kîxotî ya otopîke zî est a. Dinyayêk xeyal keno ke kes kesî nêkişeno û ceza nêdano kesêkî. Dinya dibe cihê aştî, aramî û heskirinê.
