ZAZAKÎ NEWS - Tehqîqatê ke Dozgerîya Komare ya Îstanbulî dabî dest pêkerdiş de seba 16 kesan qirarê tepişyayîşî ame dayiş. Cem Yîgît Uzumoglu zî tede 11 kesî ameyî tepiştiş.
18ê Adare de Rektortîya Unîversîteya Îstanbulî dîplomaya Şaredarê Bajarê Girdî yê Îstanbulî Ekrem Îmamoglu betal kerd û dima ra îmamoğlu erzîyabi hepisxane. 23ê Adare de Îmamoglu ame tewqîfkerdiş û semede wayîrvejyayîşê ey protestoyê wendekaran dest pêkerd. Protestoyan de 300î ra zêde wendekarî ameyî tepişîyayîş û badê cû qerarê boykotê erînayîşê çî-mîyan dest pêkerd.
Derheqê kesanê ke paştî dayê boykotî de, verê cû hetê wezîran ra, dima zî hetê RTÛK û dozgerîye ra tehdîdê cipersayîşî ameyî kerdiş. Zaf hunermend û kaykerdoxan zî paştî dayê qerarê boykotî. Nê semedî ra seba 16 kesan qerarê tepişyayîşî ame dayîş.
Ame zanayiş ke mîyanê kesanê ke ameyî tepiştiş de kaykerdoxo namdar Cem Yîgît Uzumoglu ke rêzefilma bi nameyê "Keyeyê Şakir Paşayî: Mucîzeyî û Skandalî" de kay kerdêne zî esto.
