ZAZAKÎ NEWS - Festîvalê Fîlmanê Belgefîlman ê FîlmAmedî yê 9. do 7ê Nîsanê 2025î de Amedî de dest pêkero. Şaredarîya Peyasî û Komeleya Akademîya Sînema ya Rojhelatê Mîyanênî pîya festîvalî organîze kenê.
Goreyê malumatê ke afîşê festîvalî ser o nusîyayo, çalakî do saete 18:00 de Park 75î de, Taş Ev (kişta kitabxaneyê Eseranê Cinîyan) de dest pêkero.
Şaredarîya Peyasî vana ke: "Ma bi heyecanêko gird şima û festîvalê Fîlmanê Belgefîlman ê FîlmAmedî yê 9in bi şîarê 'Kok... Dorê adirî de heqîqetê efsûnî...' anê têhet. Ma do bi beşdarîya şima ya eşkerayîya çapemenîye û resepsîyonê festîvalê ma yê emserr şa bibê."
Berîvan Gulşen Sîncar û Cengîz Dündar, ke sey hemşaredarê Kayapınarî yê, ê zî na festîvale nêzdî ra teqîp kene û paştî danê festîvale
Festîvalê Fîlmanê Belgefîlman ê FîlmAmedî, ke verê cû heşt rey ame organîzekerdiş, fîlmanê ke dorûverê Amedî, kultur û tarîxê mintiqeyî ser o yene antiş, nîşan dano. Na festîval, fîlmviraştoxanê herêmî rê zî yew platformêko muhîm o ke eşkenê tede eseranê xo bimojnê.
Tayê çimeyan ra ame zanayene ke festîvalî de do belgefîlmê ke derheqê Rojhelatê Mîyanênî, tarîx, kultur û mijaranê komelkîyan de yê, bêrê nîşandayene. Festîval do di rojan dewam bikero û pêro şar eşkeno tede beşdar bibo.
Şaredariya Peyasê
Komeleya Akademiya Sînemayê ya Rojhilata Navîn
Cih: Park 75, Taş Ev (Kêleka Pirtûkxaneya Berhemên Jinan)
Dîrok: 7’ê Nîsana 2025’an | Duşem
Saet: 18.00
