ZAZAKÎ NEWS - Cûma Çat o ke demê Darba Leşkerî ya 12ê Êlule de Zindanê Amedî de mendibi, Nêweşxaneyê Bajarî yê Mêrsînî de dinyaya xo bedilna.
Cûma Çat o ke demê Darba Leşkerî ya 12ê Êlule de ame tepiştiş û Zindanê Hûmara 5î yê Amedî de rastê îşkenceyanê giranan ame, emrê xo yê 82 serrîye de Nêweşxaneyê Bajarî yê Mêrsînî ke tede amêne dermankerdiş de şi heqîya xo ser.
Hunermendê Merkezê Kulturî yê Mezopotamya (MÇM) Kadîr Çat, hesabê xo yê medyaya dîjîtale ser eşkera kerd ke Cûma Çat dinyaya xo bedilnayo û va: "Ma pîyê mi CÛMA ÇAT o ke Zindanê Amedî de vera darba faşîste ya 12ê Êlule vera heme îşkenceyan xo ver dabi, vindî kerd!!!"
Cenazeyê Çatî do ewro saetanê nêmroyî de Goristanê Karaduvarî de bêro defnkerdiş.