Avukata Amedije Nurcan Kaya a ke bi qerarê Serdozgerîya Komare ya Îstanbulî ra ameybî tepişene, ameye veradayîş.
Çarçewaya tehqîqatê ke hetê Serdozgerîya Komare ya Îstanbulî ra derheqê Kongreya Demokratîke ya Şaran (HDK) de yeno ramitene, 53 kesê ke ameyî tepiştiş ra 30 kesî ameyî tewqîfkerdiş û erşawîyayê Hepisxaneyê Silivri û Bakirkoyî.
Nurcan Kaya rê hepsê keyeyî ame dayene
Mîyanê kesanê ke bi waştişê tewqîfkerdişî ameyî şawitene de Avukata Baroya Amedî û pawitoxê heqanê merdiman Nurcan Kaya zî estbî. Kaya destpêkerdişê tehqîqatî ra dima Amed de ameybî tepiştene û neqlê Îstanbulî bibî. Kaya, bi şertê hepsê keyeyî amey veradayîş.
Nurcan Kaya hesabê xo yê medya komelkî ra parekerdişêk kerd de va "Merheba, seba demê tepiştişî yê bêhuqûqî û bêheqî pêroyê kesê ke eleqedar bîyî û piştgirî day, ez sipas kena. Ewro ez şina Amed. Karanê îdarî ra dima uca hepsê keyeyî do destpêbikero. Çi heyf ke zafê kesê ke ameyî tepiştene erzîyayê zindan. Ez hêvî kena ke na bêhuqûqî demêko kilm de biqedîyo."
Hetêna ra endamê MYKyê DEM Partî Semiha Şahîn û Mehmet Saltoglu, Sereka Şaxa Îstanbulî ya Partîya Emekî (EMEP) Sema Barbaros, rojnamegerî Yildiz Tar, Ercument Akdeniz û Elif Akgul reyde hunermende Pinar Aydinlar mîyanê 30 kesê ke ameyî tepiştene de yê, 13 kesî rê hepsê keyeyî, 10 kesan rê zî kontrolê edlî ameyo dayene. Kesê ke tepişîyayê erşawîyayê Hepisxaneyê Silivri û Bakirkoyî.
Nameyê kesê ke erzîyayê hepisxane zî wîna yê:
Ercüment Akdeniz, Elif Akgül, Yıldız Tar İlknur Melengeç, Mehmet Saltoğlu, Ayşe Panuş, Atila Özdoğan, Ece Yıldız Karabacak, Özlem Feza Sezer Bayram, Yakup Kadri Karabacak, Aynur Cengiz, Ayşe Bengi Çelik, Dilek Posl, Erkin Barın Göylüler, Kardelen Taş, Melek Kızılcaok, Şengül Erdoğan, Pınar Aydınlar, Zeysu Fakir, İbrahim Halit Elçi, Alya Akkuş, Esengül Demir, Melih Kayhan Pala, Osman Zorba, Saime Oğuzhan, Sema Barbaros Durmuş û Semiha Şahin.
