Aktîvîsta Heqanê Merdiman û Avukata Baroya Dîyarbekirî Nurcan Kaya, saetanê sere sibayî de Dîyarbekir de keyeyê xo de ameya tepiştiş.
Ame zanayîş ke a, çarçewaya tehqîqato ke hetê Serdozgerîya Komare ya Stenbolî ra yeno ramitene de ameya tepiştiş.
Serekê Baroya Dîyarbekirî Abdulkadir Guleçî medyaya sosyale de vera tepiştişê Kaya beyanatêk da û va: "Endama baroya ma avıkata heqanê merdiman Nurcan Kaya, saetanê şodirî de keyeyê xo de ameya tepiştiş. Tepiştişê ke vera avuaktan û pawitoxanê heqan benê, zextkerdiş û tehdît o."
Guleçî dewamê beyanatê xo de va: "Ganî na bêhuquqîye bêro vindarnayîş û embaza ma, avukat Nurcan Kaya bêra veradayîş."
Nurcan Kaya avukat û aktîvîstêka heqanê merdiman a û heqanê merdiman ser o xebatan kena û hetêk ra zî baroya Dîyarbekirî de wezîfe gêna.
