ZAZAKÎ NEWS - Annalena Baerbock zîyaretê xo yê Tirkîya de Veng da Enqera ke Kurdî Prosesê Aştî yê Sûrîye ra Nêrê Dûrvistiş
Wezîra Karê Teberî ya Almanya Annalena Baerbock Parlamentoya Federale de da zanayîş ke a do Tirkîya de na mesele "bi hawayêko zaf zelal" bîyara rojev.
Annalena Baerbock da zanayîş ke kurdî zî sey Almanya, Sûrîye de parçeyê Yewîya Mîyanneteweyî ya vera DAIŞî (Koalîsyon) yê û va:
"Nê sebebî ra beşdarîya hemê grûbanê ke Sûrîye de yê, seba menfeatê ma yê ewleyîya neteweyî yew mecburîyet a."
Baerbock da zanayîş ke seba vîyartişêko aştîyane ganî heqê hemê komelî yê etnîkî û dînî bêrê dayîş.
Wezîra Karê Teberî ya Almanya reyna ard ziwan ke ganî rayîrê aştî de embazanê cîya-cîyayan dir eynî amancî ser o bêrê têhet û va:
"Eke ma şî hetanê cîya-cîyayan, ma nêeşkenê bikewî rayîrê aştî."
"Kobanî sembola têkoşîna qehremanîya kurdan a"
Baerbock 17ê Kanûna Verêne de zî derheqê Kobanî de yew mesaj vila kerdbî û bajarê Kobanî sey sembol name kerdbî û vatbî:
"Kobanî sembola têkoşîna qehremanîya kurdan a ke vera DAIŞî kerda ya.
Badê şerê 14 serran, çîyo ke peynî de ganî merdim nêbiko riştişê gonî yo.
Seba pawîtişê yewparçeyîya erdê Sûrîye û hêvîya aştî mesulîyetê Tirkîya zî esto."
