5 Serekê Şaredarîyan û Parmelenterê verên ê CHPî pa 22 kesanê bînan ameyî tepiştiş
Stenbol de çarçoveya tehqîqatê Serdozgerîya Komare ya Stenbolî de, 5 serekê şaredarîyanê CHPyî û parlemantarê verên ê CHPî Aykut Erdogdu zî mîyan de, pêro-pîya 22 kesî ameyî tewqîfkerdiş.
31ê Gulana 2025î de, çarçoveya 4 tehqîqatanê Serdozgerîya Komare ya Stenbolî de, 36 kesî ameybî tepiştiş û karê yasayî 4ê Gulane de temam bîyî.
Dadgehî derheqê Serekê Şaredarîya Buyukçekmece Hasan Akgun, Serekê Şaredarîya Gazîosmanpaşa Hakan Bahçetepe, Serekê Şaredarîya Avcilarî Utku Caner Çaykara, Serekê Şaredarîya Ceyhanî Kadîr Aydar û Sereka Şaredarîya Seyhanî Oya Tekîn û 17 kesanê bînan de qerarê tewqîfkerdişî da.
Onca parlemantarê verên ê CHPî Aykut Erdogdu û Endamê Meclîsê Partîye yê CHPî Bakî Aydoner zî mîyanê kesanê tewqîfkerdeyan de yê.
Hetê bînî ra, 14 kesî zî bi şertê kontrola edlî ameyê verdayîş.
7 aşmî verî Serekê Şaredarîya Esenyurtî Ahmet Ozer amebî tewqîfkerdiş û dima ey operasyonê vera Şaredarîya Bajarê Girdî ya Stenbolî ame hîrakerdiş û Ekrem Îmamoglu zî erzîyabi hepisxane.
