Qezaya Bismilê ya Dîyarbekirî de mabênê 2 keyeyan de pêrodayîş vejîya. Pêrodayîş de 9 kesî ameyî kiştiş.
Ewro dewa Şidada ya Bismilî de hêga ser o mabênê 2 keyeyan de şer vejîya.
Her di keyeyan pê çekan şer kerd û netîceyê şerî de 9 kesî ameyî kiştiş û 3 kesî zî birîndar bîyê.
Walîtîya Dîyarbekirî zî derheqê pêrodayîşî de beyanatêk da û aşkere kerd ke, mabênê 2 keyeyan de semedê 200 donim erdî pêrodayîş vejîyayo.
Walîtîya Dîyarbekirî va: “Çi heyf ke pêrodayîşo ke semedê 200 donim erd vejîyayo de 9 welatiyê ma merdê û 3 welatiyê ma zî birîndar bîyê.”
