Lîga 1. de Amedspor, teber de do Adanasporî dir bêro têhet. Amadsporî, raya peyêne serra 2007î de kayeyê xo de bi nameyê DBB DÎSKSporî Adanasporî dir kay kerdbî.
Lîga 1. ya Trendyolî de hefteya 18. de Amedspor, roja yewşeme do bibo mêmanê Adanasporî. Amedspor o ke lîg de wazeno cayê corênan de ca bighîro, planê serkewtişî keno. Nê her di tîmî heta nika 4 rey ameyê têver. Nê kayan de Amadsporî yew serkewtiş girewto, Adanaspor zî yew rey serkewto. Di kayî zî pîya qedîyayê.
Kayo peyên 15ê Teşrîna Peyêne ya 2007î de kay bîbî û maç 0-0 pîya qedîyabî. Reyna Amadsporî, o wext sey Şaredarîya Girdî ya Dîyarbekirî DÎSKÎspor 25ê Sibate ya 2007î de teberî de bi 2-1 vera Adanasporî serkewt û no netîce sey encamêko balkêş qeyd bi. Amedspor wazeno nê performansê xo yê ke Adanasporî vera yo bidewamno û teberî ra bi hirê puanan agêro.
Amedspor o ke do 5ê Çeleyî de teberî de Adanasporî reyde kay bikero, 11ê Çeleyî de zî keyeyê xo de do Ankaragucî biko mêman. Eke Amedspor her di kayan de zî serkewto, do bi şeş puanan vejîyo rêza pancine.
Antrenor Servet Çetîn o ke çend hefteyo ke ameyo sereyê Amadsporî, ey dir Amadsporî heta nika hirê serkewtiş û hirê seyyewbînî reyde pêro pîya des û di puanî arêdayî. Bi nê performansî, Amedspor bi pancês û di puanan Trendyol Lîga 1. de rêza hewtine de ca gêno.
