Amedspor ewro keyeyê xo de Menemen Belediyesporî dir 0-0 mend û bi nê skorî bi şampiyon.
Amedspor û Menemen Belediyespor hewteyê peyênî de saete 15:00 ameyî têver.
Her di taximî Grûba Sûre ya Federasyona Futbolî ya Tirkiya de (TFF) de ca gênê .
Terefdarê Amedsporî semedê paştîdayîşê taximê xo stadyum kerd pir.
Amedspor heta peynîya maçî serwer bi labelê nêeşka golêk bierzo.
Her çiqas Amedsporî kerd ke golêk bierzo zî nêeşka û maç 0-0 qedîya.
Amedsporê bi nê netîceyî pûanê xo vet 83 bi şampiyon û 10 serran ra pey vejîya Lîga yewine ya TFFyî.
Wexto ke şampiyonîya Amesporî bîye garantî heskerdoxê Amedspî vejîyay cade û meydanan û dest bi şayîya şampîyonîye kerde .
Nika Amede şayîya şampîyonî ya Amedsporî pê coşêko pîl dewam kena.