Apê Mûsa siba do Amed û Mêrdîn de bêro yadkerdiş

Apê Mûsa do siba taxa Cûmhûriyetî ya Amedî ke tede amebi kiştiş û dewa Sitîlîlî ya Nisêbînî de serê gorê xo de bêro yadkerdiş.

Roşinvîr, rojnameger, nuştox  Apê Mûsa,  20’ê êlula 1992î de hetê JÎTEMî ra taxa Cûmhûriyetî ya Amedî de amebi kiştiş. Komeleya Rojnamegeran a Dîcle Firatî (DFG), do siba Apê Mûsayî taxa Cûmhûriyetî ya Amedî ke tede amebi kiştiş û dewa Sitîlîlî ya qezaya Mêrdînî Nisêbîn de serê gorê ey de vîr bîyaro.

Programê yadkerdişî Amed de do saete 11.00 de û Nisêbîn de saete 16.00 bêro tertîp kerdiş.

Pawîyeno ke xeylêk rojnamegerî û temsîlkarê sazîyanê sivîlan zî bêrê programê yadkerdişî.