ZAZAKÎ NEWS - Zaza Şêxmûs (Şehmuz İlgin) bi eslê xo dewa Darahênî Kavar ra bi. Dîyarbekir de bîyo pîl û Îstanbul de bîyo namdar. Îstanbul de wayîrê şîrketê viraştişê muzîkî bi û piyasaya muzîkî de sey “Zaza Şêxmûs” ameyo şinasnayîş.
30ê Adara 2018î de Îstanbul de şîyo heqîya xo ser. Cenazeyê ey Dîyarbekir de Goristanê Berê Mêrdînî de ameyo definkerdiş.
Zaza Şêxmus 70 serrîya xo de merdo. Deyîrbazanê namadaran ê sey Îbrahîm Tatlıses, Ahmet Kaya, Mahsun Kırmızıgül, Emrah rê qasetî kerdî hadre û namdarîya înan de tesîrê ey esto. En peynî Azer Bülbülî rê qasetî vetî o kerd namdar.
Semedo ke namdar bi Dîyarbekir de zaf keyeyê ke verî pêrodayîş kerdbî ê kerdî haşt zî.
No zî mojnano ke, Zaza Şêxmûs tena muzîk dir eleqedar nêbîyêne, zaf meseleyanê mîyanê şarî dir zî eleqedar bîyêne.
Serra 1990 de nameyê ey yew suîkato ke gazînoyêk de Îbrahîm Tatlisesî rê bibi de vîyart. Zaf rey kewto hepisxane rîyê nê bîyayîşan ra.
Îstanbul de serê gazînoyan de tesîrê ey estbi. Kesê ke Zaza bî xûsûsî wayîrê înan vejîyaynê la semede ziwanê Zazakî û nasnameyê Zazakî yew xebate û kedêka ey nêbîya.
